我低左咁耐
真係要寫完佢啦
10月22日
我揹住個單車袋同40L o既漂流袋由屋企出發
成個單車袋有成15KG 仲要單邊揹
個漂流都成8KG
真係幾辛苦
好不容易先去到士多上的士
心諗: 個袋咁重...去到東京點算呢?
不過唔諗得咁多架啦
都去緊機場啦
下次買個有輪o既單車袋咪唔駛咁呢Hea 羅
去到機場都有D擔心Oversize 要加錢
不過Facebook 就已經有好多小天使話我知係冇問題的
個心定好多
Check In 個空姐都冇開袋睇就知Sport Equipment
問都唔駛問就叫左我去Oversize 個Counter Load 行季
Yea! 放低左一個超重o既負擔
可以o係機楊Hea下先
咁啱就見到機場做Bartender o既舅父
點解我成日o係機場撞到人o既呢
(最近去泰國又撞到Vendor o既人)
我坐o個架係下午機
因為Stay 14日o既機票選擇唔多
再加上第一日都唔諗住即刻起程
所以都OK啦
我差唔多7點到日本機場
超快就羅到行李
又要揹住架單車行啦...灰
我有瘋狂地諗過直接由成田機場踩去市中心
不過晚上踩車好似有D 危險
所以就冇諗啦
趕緊去坐火車去市中心
我都仲係心大心細o係邊到落車好
本來諗住坐車去到新宿
就咁揹住架車去到家姐屋企先找個空地砌返架單車
我心諗唔係應該架單車揹住我行o既咩
做咩要我揹住佢行咁遠路
所以就決定去上野
o係上野公園找個地方砌起架單車
不過坐坐下火車
醒起日暮里站一出閘就有個空地可以用來砌車
就o係正火車橋上面
咁就日暮里站出閘啦
啱哂砌車
去上野公園我驚唔係好夠光
呢到夠哂
不過呢個空位其實係食煙位
一路伴住D 二手煙一路砌
仲有好多途人奇異o既眼光
之但係o係日本
畸呢古怪野多的是啦
我呢D好正常啫
砌左成半個鐘先搞得掂
仲趺左一兩粒Ball Bearing o既轉珠...
好彩少左都冇咩問題
即刻上馬踩去新宿
點之踩左一兩KM
個GPS 唔知做乜唔Work
激死
日本D 路又難認
因為好多都係一丁目二丁目
兜左成半個鐘
忽然個GPS 又Work 返喎
感謝主
日本條條路都有分單車同行人兩邊同會有單車人仕睇o既紅綠燈
同香港人車爭路爭好遠
一路上都幾呢Hea
個單車袋放左係後尾架
因為Size 大所以摺埋左都突哂出來
踩踩下佢就會Dur左落來
Hi住個後輪
所以時不時都要落車搞搞佢先得
踩左近一個鐘先到新宿太多燈所以拖得好慢
到左都成10點
本來以為9點就到
一到埗家姐就已經留左飯俾我啦
仲有去之前托我家姐幫我申請o既無限上網3G卡都到左啦
超感謝
今天好累
食完飯沖個涼就快快去訓覺
抖足精神! 明日就係一連十日o既單車旅程啦!
